Qətər əmiri Tamim Ben Hamad Əl Tani yanvarın 17-də Rusiyaya səfər edəcək.
Modern.az Kremlin rəsmi saytına istinadən xəbər verir ki, səfər çərçivəsində əmir Rusiya prezidenti Vladimir Putinlə görüşəcək. Yanvarın 18-də baş tutacaq görüş zamanı iki ölkə arasında iqtisadi-humanitar əməkdaşlığın genişlənməsi, eyni zamanda Yaxın Şərq və Şimali Afrika regionundakı hərbi-siyasi vəziyyət müzakirə olunacaq.
Xatırladaq ki, yanvarın əvvəllərində Ər-Riyad və Tehran arasında başlayan diplomatik qalmaqalda Qətər Səudiyyə Ərəbistanını dəstəkləyib və İranla diplomatik münasibətləri kəsib.
Vüqar İsmayılov
