122 saylı Xankəndi seçki dairəsindən Milli Məclisin yeni deputatı Flora Qasımova seçicilərinin 48 rayonda məskunlaşmasını problem sayır.
Modern.az-ın məlumatına görə, deputat bildirib ki, Xankəndindən olan insanlar üçün ən böyük problem doğma yurdlarına qayıda bilməməkdir. Onun sözlərinə görə, ölkənin müxtəlif yaşayış məntəqələrinə səpələnən Xankəndi sakinləri sosial çətinliklərdən, məişət problemlərindən də əziyyət çəkirlər.
Deputat keçmiş Ağdərə rayonunun statusunun bərpasına tərəfdar olduğunu da vurğulayıb. F.Qasımova müharibənin ağrı-acısını yaşamış insan kimi işğal altında olan torpaqlarımızın sülh yolu ilə qaytarılmasını arzuladığını qeyd edib.
Modern.az
