ABŞ dövlət katibi Con Kerri İranın və Rusiyanın Bəşər Əsəd hakimiyyətinin addımlarına görə məsuliyyət daşıdığını deyir.
Modern.az xarici mətbuata istinadən xəbər verir ki, Kerri martın 1-dən qüvvəyə minəcək atəşkəs rejiminin rəsmi Dəməşq tərəfindən pozulacağı halda Suriyaya beynəlxalq koalisiyanın müdaxilə edəcəyini deyib.
“Əgər Bəşər Əsəd üzərinə götürdüyü öhdəlikləri terinə yetirməsə, iranlılar və ruslar isə onu buna vadar edə bilməsələr, onda çətin ki, beynəlxalq birlik axmaq kimi oturub baş verənlərə tamaşa etsin... Orada əlavə quru qüvvlərin peyda olması ehtimalı yaranacaq”.
Rusiya Suriyada əldə olunacaq atəşkəsin hökumət qoşunlarının hücum əməliyyatlarına və terror qruplaşmaları kimi tanınan İŞİD və Ən-Nüsrə Cəbhəsinə şamil olunmadığını bildirib.
Vüqar İsmayılov
