Türkiyə prezidenti Rəcəb Tayyip Ərdoğan ABŞ administrasiyasını Suriya kürdlərinin siyasi təmsilçisi olan Demokratik Ittifaq Partiyasına (PYD) dəstək verməkdə ittiham edib.
Modern.az Türkiyə KİV-nə istinadən xəbər verir ki, Türkiyə dövlət başçısı Vaşinqtonun Türkiyə ilə bu təşkilat arasında seçim etməli olduğunu vurğulayıb.
“PYD-ni dəstəkləməkdə davam edəcəyini deyən Amerikanı anlamaq çətindir. PKK-nın sənədlərindən aydın olur ki, PYD-ni onlar yaradıb.
Biz ABŞ-la birlikdə NATO-dayıq. Bəs onda biz sizin dostunuzuq, yoxsa PYD? Açıq deyin ki, PYD-ni silahlandırırsınız. Dost özünü dost kimi aparmalıdır”.
Ərdoğan Suriyanın şimalındakı PYD mövqelərinə zərbə endirməkdə davam edəcəklərini deyib. Rəsmi Ankara təşkilatı PKK-nın Suriya qanadı hesab edir.
Vüqar İsmayılov
