Ukrayna Ali Radasının “Samopomoş” fraksiyasından olan deputat Viktoriya Voysitskaya həyatına qəsdə cəhdlə bağlı bəyanat yayıb. Modern.az xarici mediaya istinadən bildirir ki, o, insidentlə bağlı martın 17-də Facebook səhihəsində yazıb.
“Gecə evimizin ərim və 3 aylıq oğlumla yatdığımız yataq otağına içərisində yandırıcı maye olan banka atıblar. Alov ikinci mərtəbəyə qədər yüksəldi. Allaha şükür ki, mən itin hürməsindən sonra oyandım, hamı sağ qaldı”, - deputat yazıb.
Onun sözlərinə görə, yanğını əri ilə birlikdə söndürüblər. O, sui-qəsd cəhdinə görə energetika sahəsindəki korrupsiyaçılardan şübhələndiyini deyib: “Onların arasında çox sayda nüfuzlu insanlar var”.
“Batkivşina” fraksiyasından olan deputat İqor Lutsenko isə Facebook səhifəsində yazıb ki, sui-qəsd cəhdi “Ukrnaft”şirkətinin fəaliyyətinin araşdırılması ilə bağlı ola bilər: “Voysitskaya artıq iki dəfə Ukrayna Korrupsiya Əleyhinə Milli Bürosuna həmin şirkətin vergidən yayınması ilə bağlı araşdırma aparılması üçün müraciət edib”.
Modern.az
