Yerevandakı “Azadlıq” meydanında “Yeni Ermənistan” ictimai qurtuluş cəbhəsinin təşkil etdiyi mitinq keçirilir. Modern.az-ın Ermənistan mediasına istinadən verdiyi xəbərə görə, mitinqdən sonra yürüş planaşdırılıb.
Mitinq təşkilatçılarının bəyan etdiyinə görə, məqsəd ölkədəki sosial-iqtisadi situasiyaya və insan haqlarının pozulmasına etiraz etməkdir.
Aksiyada “İrs” Partiyasının lideri Raffi Ovannsyan, “Ayağa qalx” hərəkatının üzvü Andrias Qukasyan, “Yeni Ermənistan” ictimai qurtuluş cəbhəsinin birləşmiş qəragahının rəisi Jirayr Sefilyan da iştirak edirlər.
Mitinq iştirakçıları yürüşlə Avropa İttifaqının ofisinə gedərək insan haqlarının pozulması ilə bağlı məktub təqdim etmək niyyətindədirlər.
“Yeni Ermənistan”ın məqsədi hakimiyyətin dəyişdirilməsidir.
