Əmlak Məsələləri Dövlət Komitəsi (ƏMDK) sabah hərraca çıxarılacaq nəqliyyat vasitələrinin siyahısını açıqlayıb.
Modern.az saytı Komitənin rəsmi saytına istinadən xəbər verir ki, 29 martda təşkil ediləcək hərraca ümumilikdə 9 avtomobil çıxarılacaq.
İstehsal tarixinə görə geri qalan 1999-cu il istehsalı olan “ZİL-5301 AO” 1178 manatdan başlayan qiymətlə təklif ediləcək.
2001-ci ildə buraxılan “Nissan Maxima”nın start qiyməti 2983 manatdır.
2005-ci il istehsalı olan “QAZ-31105-120” və “Tofaş Şahin”in start qiymətləri müvafiq olaraq 2097 və 1998 manat olacaq.
2006-cı il istehsalı olan “Nissan Maxima” 4838 manata, “VAZ-21043” 2097 manatdan başlayan qiymətlərlə alıcılara təklif ediləcək.
2007-ci ildə buraxılan “Fiat Doblo” ilkin olaraq 3630 manata, elə həmin ilin istehsalı olan “QAZ-31105” isə 1980 manata hərracda iştirak edəcək.
Hərracda iştirak edəcək ən bahalı avtomobil 2013-cü il istehsalı olan və start qiyməti 20 627 manatdan başlayan “Toyota Corolla”dır.
| 1. | Nissan Maxima | 2006 | 4838 | 484 |
|
| 2. | QAZ-31105-120 | 2005 | 1541 | 154 |
|
| 3. | VAZ-21043 | 2006 | 2097 | 210 |
|
| 4. | Fiat Doblo | 2007 | 3630 | 363 |
|
| 5. | QAZ-31105 | 2007 | 1980 | 198 |
|
| 6. | Tofaş Şahin | 2005 | 1998 | 200 |
|
| 7. | Nissan Maxima | 2001 | 2983 | 298 |
|
| 8. | ZİL-5301 AO | 1999 | 1178 | 118 |
|
| 9. | Toyota Corolla | 2013 | 20627 | 2063 |
|
Hərraclar ƏMDK yanında Hərracların Təşkili üzrə Auksion Mərkəzində keçiriləcək (Zeynal Xəlil küçəsi 11). Hərracda iştirak etmək üçün hərrac komissiyasına aşağıdakı sənədlər hərracın başlanılmasına ən gec 3 (üç) bank günü qalanadək təqdim olunmalıdır:
1. Sifarişçinin şəxsiyyətini təsdiq edən sənəd;
2. Əmlak Məsələləri Dövlət Komitəsi tərəfindən müəyyən edilmiş hesaba behin köçürülməsini təsdiq edən sənəd. 10% məbləğində beh Mərkəzi Bankda – AZ65NABZ01361150000000004944 nömrəli hesaba köçürülməlidir.
Gülşən RAUFQIZI
