Xəbər verdiyimiz kiimi, bu gün Azərbaycan Prezidentinə yeni köməkçi təyin edilib.
Prezident İlham Əliyevin yeni köməkçisi Andrey Vladimiroviç Sipilin həm də Prezident Administrasiyasında yaradılan Hərbi-texniki təminat məsələləri şöbəsinin müdiri vəzifəsində çalışacaq.
Qeyd edək ki, bu təyinatdan sonra Prezident İlham Əliyevin köməkçilərinin sayı 11 nəfərə çatıb.
Andrey Sipilin bu günə kimi Azərbaycan Respublikasının Birinci vitse-prezidentinin köməkçisi vəzifəsində çalışırdı.
Modern.az saytı Andrey Sipilinin qısa dosyesini təqdim edir.
A.Spilin əvvəlcə Azərbaycan Dövlət İqtisad Universitetində, sonra isə Bakı Dövlət Universitetində ali təhsil alıb.
2001-ci ildə Azərbaycan Respublikası Konstitusiya Məhkəməsində İnformasiya Texnologiyaları şöbəsinin müdiri vəzifəsində çalışıb.
2004-2006-cı illərdə "McDermott Caspian Contractors Inc" şirkətində müxtəlif vəzifələrdə işləyib.
O, Prezident Administrasiyasına gəlməzdən əvvəl “PAŞA İnşaat” MMC-də İnsan Resursları və İdarəetmə departamentinin direktoru vəzifəsində çalışıb.
2020-ci ilin əvvəlində Azərbaycanın Birinci vitse-prezidentinə köməkçi təyin edilib və 2022-ci il noyabrın 24-nə kimi həmin postu tutub..
Andrey Sipilin Azərbaycanın tanınmış hüquqşünaslarından olan Ali Məhkəmənin hakimi Tatyana Qoldmanın oğludur.
Milliyətçə yəhudi olan Tatyana Aleksandrovna Qoldman 1954-cü ildə Bakı şəhərində anadan olub.
A.Qorxmaz