Modern.az

Dövlət Agentliyinin regional idarələri YARADILDI

Dövlət Agentliyinin regional idarələri YARADILDI

Ölkə

8 Fevral 2023, 14:27

Prezident İlham Əliyev Azərbaycan Respublikası Dövlət Turizm Agentliyinin strukturunun təkmilləşdirilməsi və “Azərbaycan Respublikası Dövlət Turizm Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 21 sentyabr tarixli 278 nömrəli Fərmanında dəyişiklik edilməsi barədə Fərman imzalayıb.

 

Modern.az xəbər verir ki, Fərmana əsasən, Azərbaycan Respublikası Dövlət Turizm Agentliyinin aşağıdakı regional turizm idarələri yaradılıb:

 

1. Bakı-Abşeron Regional Turizm İdarəsi;

2. Gəncə Regional Turizm İdarəsi;

3. Şəki Regional Turizm İdarəsi;

4. Lənkəran Regional Turizm İdarəsi;

5. Mingəçevir Regional Turizm İdarəsi;

6. Quba Regional Turizm İdarəsi;

7. Qarabağ Regional Turizm İdarəsi;

8. İsmayıllı Regional Turizm İdarəsi.

 

Nazirlər Kabineti bu Fərmandan irəli gələn məsələləri həll etməlidir.

 

Azərbaycan Respublikası Dövlət Turizm Agentliyinin işçilərinin say həddi cəmi 151 ştat vahidi olmaqla, Agentliyin Aparatı üzrə 63 ştat vahidi, regional turizm idarələri üzrə 88 ştat vahidi müəyyən edilib.

Twitter
Sizə yeni tvit var
Keçid et
Paşinyan Qazaxa gəldi - Ermənilər üzərinə hücum çəkdi