Ötən gün Naxçıvana yağan güclü yağış bir sıra fəsadlar törədib.
Modern.az xəbər verir ki, intensiv yağış səbəbindən fərdi evlər və həyətyanı sahələr, inzibati binalar, avtomobil yolları subasmaya məruz qalıb.
Dünən Naxçıvan Dövlət Universitetinin binasını da su basıb. Fövqəladə Hallar Nazirliyinin qüvvələri əraziyə cəlb olunub, suyun çəkilməsi üçün işlər görülüb.
Rəsmi məlumata görə, Naxçıvan şəhəri və Babək rayonlarında 40-dan artıq fərdi yaşayış evi, 4 obyekt, 3 inzibati binada suçəkmə işləri aparılıb. Tapşırıqların yerinə yetirilməsinə 159 nəfər şəxsi heyət, 23 texnika, cəlb olunub.
