Milli Məclisin sabiq sədri Rəsul Quliyev Vətəndaş Həmrəyliyi Partiyasının (VHP) sədri, millət vəkili Sabir Rüstəmxanlının Milli Şuranın prezidentliyə vahid namizədi olması təklifinə əks-reaksiya verib.
R.Quliyev Modern.az-a açıqlamasında Sabir Rüstəmxanlının namizədliyinin qəbulolunmaz olduğunu deyib. Onun sözlərinə görə, Milli Şuranın yeganə namizədi Rüstəm İbrahimbəyovdur.
Eks-spiker hesab edir ki, S.Rüstəmxanlı R.İbrahimbəyovu əvəz edə bilməz:
“Milli Şuranın ikinci namizədi heç vaxt olmayacaq, çünki İbrahimbəyov vahid namizəddir. Kimlərsə öz namizədliyini verə bilər, amma Milli Şuranın iştirakı olmadan”-deyə eks-spiker vurğulayıb.
Qeyd edək ki, VHP-nin Təşkilat məsələləri şöbəsinin müdiri Samir Əsədli mətbuata açıqlamasında bildirib ki, Rüstəm İbrahimbəyovun ikili vətəndaşlıqla bağlı problemi avqustun 15-ə kimi həll edilməsə, Milli Şurada təmsil olunan VHP-çilər Sabir Rüstəmxanlının prezidentliyə vahid namizədliyini irəli sürə bilərlər.
Anar RÜSTƏMOV
