Ölkədə ilin əvvəlindən bu günə qədər 4500-dən çox zəlzələ qeydə alınıb.
Modern.az xəbər verir ki, AMEA-nın Yer Elmləri bölməsi və Respublika Seysmoloji Xidmət Mərkəzinin birgə iclası zamanı Mərkəzin baş direktoru Qurban Yetirmişli çıxışı zamanı deyib.
Q.Yetirmişli ilin əvvəlindən bu vaxta qədər qeydə alınan zəlzələlərin statistikasını da açıqlayıb.
Onun sözlərinə görə, ilin əvvəlindən bu vaxta qədər 84 seysmik stansiya vasitəsi ilə Azərbaycan və ona bitişik ərazilərdə 9702, Azərbaycan ərazisində isə 4548 zəlzələ qeydə alınıb. Azərbaycan ərazisində maqnitudası 3-dən böyük 83 zəlzələ olub. Azərbaycan və ona bitişik ərazilərdə 37 hiss olunan zəlzələ olub. Azərbaycan ərazisində bu il baş verən ən yüksək maqnitudalı zəlzələ Xəzər dənizində qeydə alınıb. (4 iyul 2023-cü il və 7 dekabr 2023-cü il tarixlərində Xəzər dənizində maqnitudası 5.6 olan zəlzələlər).
