Mərkəzi Seçki Komissiyası (MSK) daha 6 nəfərin prezidentliyə namizədliyinin irəli sürülməsini təsdiq edib.
Modern.az xəbər verir ki, bu barədə qərar Komissiyanın bu gün keçirilən iclasında qəbul edilib.
MSK aşağıdakı şəxslərin namizədliyinin irəli sürülməsini təsdiqləyib:
- Zahid Oruc - Namizədliyi özü tərəfindən irəli sürülüb;
- Fazil Mustafa - Namizədliyi Böyük Qurtuluş Partiyasının tərəfindən irəli sürülüb;
- Fuad Əliyev - Namizədliyi özü tərəfindən irəli sürülüb;
- Elşad Musayev - Namizədliyi namizədliyi Böyük Azərbaycan Partiyası tərəfindən irəli sürülüb;
- Qüdrət Həsənquliyev - Namizədliyi Bütov Azərbaycan Xalq Cəbhəsi Partiyası tərəfindən irəli sürülüb;
- Razi Nurullayev - Namizədliyi Milli Cəbhə Partiyası tərəfindən irəli sürülüb.
Beləliklə, namizədliyinin irəli sürülməsi təsdiq edilən şəxslərin sayı 7-yə çatıb.
Xatırladaq ki, MSK dekabrın 19-da hakim Yeni Azərbaycan Partiyası tərəfindən İlham Əliyevin prezidentliyə namizədliyinin irəli sürülməsini təsdiqləmişdi.
Qeyd edək ki, fevralın 7-də Azərbaycanda növbədənkənar prezident seçkiləri keçiriləcək.
