Seçki prosesi marafonunda Mərkəzi Seçki Komissiyasına (MSK) yalnız bir şikayət daxil olub.
Modern.az xəbər verir ki, bu barədə Mərkəzi Seçki Komissiyasının sədr müavini Rövzət Qasımov fevralın 11-də prezident seçkilərinin yekunları ilə bağlı keçirilən iclasda səsləndirib.
O qeyd edib ki, komissiya daxil olan müraciətlərə kifayət qədər həssas yanaşıb. Sədr müavini bildirib ki, “Qaynar xətt”ə 700-ə yaxın zəng daxil olub.
"Bunlardan 670-ə yaxını seçici siyahısı ilə bağlı olub. Hüquqi sənədlərlə bağlı 130 müraciət daxil olub və bu da aydınlaşdırma xarakteri daşıyıb”, - deyə o əlavə edib.
