Müdafiə Nazirliyinin Maliyyə-Büdcə İdarəsinə yeni rəis təyin edilib.
Müdafiə Nazirliyindən Modern.az-a bildirilib ki, bu barədə general-polkovnik Zakir Həsənov əmr imzalayıb.
Əmrə əsasən, bu vəzifəyə polkovnik Rəşad Babayev təyin edilib.
Xatırladaq ki, MN-in Maliyyə və Büdcə İdarəsinin sabiq rəisi Nəriman Cabbarov bir neçə gün əvvəl sərəncama götürülüb. Onun adı MN-dəki 143 milyonluq cinayət işində keçib və polkovnik məhkəmədə şahid qismində dindirilib. MN-in Maliyyə və Büdcə İdarəsinin sabiq rəisi general-mayor Nizami Məmmədov isə hazırda həbsdədir.
Qeyd edək ki, bu barədə ilk məlumatı unikal.az yayıb.
