Xəbər verdiyimiz kimi, Azərbaycan Respublikasının Prezidenti İlham Əliyev Müdafiə Nazirliyinin hərbi qulluqçularına ali hərbi rütbələrin verilməsi haqqında sərəncam imzalayıb.
Sərəncamla polkovnik Həsən Əlövsədova və polkovnik Vilayət Quluyevə general-mayor rütbəsi verilib.
Modern.az ali hərbi rütbə verilən hərbçilərlə bağlı məlumatları təqdim edir.
Həsən Əlövsədov Siyəzən rayonundandır. O, İkinci Qarabağ müharibəsində iştirak edib. Mi-17 helikopter eskadrilyasının komandiri olub. Hərbçi “Qarabağ” ordeni, “Xocavəndin azad edilməsinə görə”, “Ağdamın azad edilməsinə görə” medalları ilə təltif olunub.
Vilayət Quluyev isə Cəbrayıl rayonundandır. İkinci Qarabağ müharibəsində iştirak edib.3-cü dərəcəli “Rəşadət” ordeni, "Vətən uğrunda", “Qubadlının azad edilməsinə görə”, “Şuşanın azad edilməsinə görə”, “Füzulinin azad edilməsinə görə” medalları ilə təltif olunub.
