Birinci Qarabağ müharibəsində şəhid olan Ceyran Abdullayevanın atası Səyyaf Qarayev vəfat edib.
Modern.az-ın məlumatına görə, bu barədə onun yaxınları sosial mediada məlumat yayıb.
Onun Zərdab rayonunda dünyasını dəyişdiyi bildirilir.
Abdullayeva Ceyran Səyyaf qızı 1962-ci ildə Zərdabda anadan olub.
O, 836-cı hərbi hissədə xidmət edib. 1992-ci ilin avqustunda Ağdam uğrunda döyüşlərdə şəhid olub. Bakı şəhərində yerləşən Şəhidlər Xiyabanında dəfn olunub.
