Azərbaycan Prezidenti İlham Əliyev BRİCS sammitinə dəvət edilib.
Modern.az TASS-a istinadən xəbər verir ki, bu barədə Rusiyanın xarici işlər nazirinin müavini Sergey Ryabkov bildirib.
O qeyd edib ki, Rusiya Federasiyası Azərbaycanın üzvlük müraciətini dəstəkləyir.
“Biz Azərbaycanın müraciətini dəstəkləyirik. Hesab edirik ki, Azərbaycan BRİCS-ə qoşulmaqla əlavə dinamika və unikal təcrübə, o cümlədən eyni vaxtda və konstruktiv şəkildə bir çox gündəmdə işləmək təcrübəsi gətirəcək güclü namizəddir”, - Ryabkov vurğulayıb.
Xatırladaq ki, BRİCS sammiti oktyabr ayında keçiriləcək. Bundan əvvəl Azərbaycan Xarici İşlər Nazirliyi Azərbaycanın BRİCS-ə üzvlük üçün müraciət etdiyini açıqlayıb.
