Biləsuvar rayonu Bağbanlar Bələdiyyəsinin sədri Ruslan Heydərov məhkəməyə verilib.
Modern.az-ın məlumatına görə, Ruslan Heydərov barəsində aidiyyəti qurum tərəfindən İnzibati Xətalar Məcəlləsinin 253-1.1.3-cü (yaşıllıqların uçotu və monitorinqi haqqında məlumatların müvafiq icra hakimiyyəti orqanına təqdim edilməməsinə görə) maddəsi ilə inzibati protokol tərtib edilib.
İşə Biləsuvar rayon Məhkəməsində hakim Rəfayil Əliyevin sədrliyi ilə baxılacaq.
Protokol təsdiq edilərsə, bələdiyyə sədri min manat məbləğində cərimə ediləcək.
