Sabah, oktyabrın 26-da Gürcüstanda parlament seçkiləri keçiriləcək.
Modern.az xəbər verir ki, siyasi partiyaların seçkiqabağı siyahılarında milli azlıqları təmsil edən namizədlərin sayı kifayət qədər azdır.
169 namizədin olduğu hakim “Gürcü arzusu” partiyasının siyahısında milli azlıqların cəmi 4 nümayəndəsi var: 2-si etnik erməni, 2-si etnik azərbaycanlı.
Milli azlığı təmsil edən eyni sayda namizəd əvvəlki seçkilərdə də təmsil olunub. Həm 2016, həm də 2020-ci ildə “Gürcü arzusu”nun siyahılarında 4 nəfər milli azlıq nümayəndəsi olan namizəd var idi.
Müxalifətin əsas koalisiyalarına gəlincə, “Dəyişikliklər Koalisiyası”nda (“Axali”, “Girçi: Daha Azadlıq”, “Jamanak”, “Respublika Partiyası”, “Gələcək Uğrunda Fəallar”) 1 azərbaycanlı namizəd var.
“Güclü Gürcüstan” koalisiyasında (“Lelo”, Ana Doldze “Xalq naminə”, Aleko Elisaşvilinin “Vətəndaşlar”, “Azadlıq meydanı”) heç bir etnik azlıq nümayəndəsi yoxdur.
“Birlik – Milli Hərəkat” (“Milli Hərəkat”, “Aqmaşenebel Strategiyası”, “Avropa Gürcüstanı”) koalisiyasının 98 nəfərlik siyahıda milli azlıqları təmsil edən 5 namizəd var: 1-i etnik erməni, 4-ü etnik azərbaycanlı.
“Vətənpərvərlər Alyansı” koalisiyasının (“Vətənpərvərlər Alyansı”, “Alt İnfo”) 77 nəfərlik seçki siyahısında 1 erməni namizəd var.
Digər müxalif qüvvələr arasında “Gürcüstan naminə Qaxariya” partiyasının 115 nəfərlik seçki siyahısında cəmi 1 etnik azlıq namizədi - erməni adı var.
“Sol Alyansın” 34 nəfərlik seçki siyahısında 1 nəfər erməni millətindən olan namizəd var.
“Qırçı”, “Əmək Partiyası” və “Avropa Demokratları”nın seçki siyahılarında etnik azlıqlardan namizəd yoxdur.
Seçkilərdə iştirak edən digər siyasi partiyalara gəlincə, onların siyahılarında heç bir məlumat yoxdur.
Yuxarıdakı statistik məlumatlardan görünür ki, milli azlıqları təmsil edən ən çox namizəd var (5 nəfər) “Birlik – Milli Hərəkat” koalisiyasındadır.
Milli azlıqları təmsil edən namizədlərin deputat mandatı alıb-almayacağı məlum deyil. Çünki onlar təmsil olunduqları partiyaların siyahılarında əsasən aşağı yerlərdədirlər.
Siyahılarda ilk “20-lik”də etnik azlığı təmsil edən namizəd yalnız “Dəyişikliklər Koalisiyası”nda yer alır – 10-cu yerdə azərbaycanlı namizəd Oqtay Kazımov irəli sürüb.
Hakim “Gürcü arzusu”nun etnik azlıqlardan olan 2 namizədi – azərbaycanlı Zaur Darğallı 25-ci, erməni Samvel Manukyan 36-cı yerdədir.
Digər iri müxalifət birliklərinin və partiyalarının siyahılarında milli azlıqların nümayəndələri kifayət qədər aşağı yerlərdə təmsil olunurlar.
Gürcüstan Milli Statistika Xidmətinin son məlumatlarına görə, etnik azlıqlar Gürcüstan əhalisinin 13,2 faizini təşkil edir ki, onların da 4,5 faizini (168 102 nəfər) etnik ermənilər, 6,3 faizini (233 024 nəfər) isə etnik Azərbaycan vətəndaşları təşkil edir.
Qeyd edək ki, bu və ya digər koalisiya və ya partiyanın seçki siyahılarında milli azlıqları təmsil edən namizədlər əsasən kişilərdir.
A.Qorxmaz
