Bu gün Ermənistan sülh müqaviləsi layihəsi ilə bağlı Azərbaycan tərəfinin cavab təkliflərini qəbul edib (layihənin 11-ci təklif paketi).

 

Modern.ax xəbər verir ki, bu barədə Ermənistan Xarici İşlər Nazirliyi yerli mətbuata məlumat verib.

 

Xatırladaq ki, bu gün Ermənistan xarici işlər nazirinin müavini Paruyr Hovhannisyan İrəvanın sülh müqaviləsinin mətninin razılaşdırılması və imzalanması üçün Bakıya təkliflər göndərdiyini və cavab gözlədiyini bildirib.

 

***

11:28

Ermənistan Azərbaycana sülh müqaviləsinin mətninin tam olaraq razılaşdırılmasını özündə ehtiva edən təkliflər paketi göndərib.

Modern.az xəbər verir ki, bunu Ermənistan xarici işlər nazirinin müavini Paruyr Ovannisyan bildirib.

“Burada qeyri-adi elementlər yoxdur və söhbət mümkün qədər kommunikasiyaların açılmasından gedir. Əsas odur ki, təhlükəsizlik baxımından və ya başqa formada üçüncü tərəfin nəzarəti istisna olunsun, Ermənistanın suverenliyi və bu marşrutlar üzərində total nəzarəti qorunub saxlanılsın”, - nazir müavini bildirib.

Paruyr Ovhannisyan jurnalistlərin Azərbaycanla danışıqlarda hansı yeniliklər olduğu barədə sualına belə cavab verib:

“Son vaxtlar çox intensiv görüşlər oldu, amma nəticələr barədə danışa bilmərəm. Siz də yiqn müşahidə etmisiniz ki, son dövr görüşlər baxımından görünməmiş dərəcədə aktiv olub”.

Nazir müavini deyib ki, rəsmi İrəvan hazırda təkliflərə cavab gözləyir.