Bu gün səhərdən etibarən Bakı bulvarı ərazisində, Xəzər dənizinin sahilində 16 metr uzunluğunda hiperreal ölçüdə olan balina maketi yerləşdirilib.
Modern.az xəbər verir ki, Heydər Əliyev Fondunun vitse-prezidenti, “IDEA” İctimai Birliyinin təsisçisi və rəhbəri Leyla Əliyeva bununla bağlı instaqram hesabında video paylaşıb.
COP29 zirvə toplantısının keçirildiyi müddətdə bu sənət əsəri ətraf mühit və dənizlərin, su hövzələrinin mühafizəsinin vacibliyi haqqında böyük mesaj çatdırır.
Səhər saatlarından Balina instalyasiyası yüzlərlə şəhər sakini və qonaqların diqqətini cəlb edib. Belçikada fəaliyyət göstərən “Captain Boomer Collective” tərəfindən yaradılan bu instalyasiya reallıqla fantastikanı ehtiva edir. 2008-ci ildən bəri Balina London, Paris, Varşava, Adelaide və Madrid kimi böyük şəhərlərdə təqdim edilib. Lakin COP29 konfransının əhatəli və emosional kontekstində bu təqdimat ilk dəfə baş tutur.
Sözügedən videonu təqdim edirik:
