YAP-ı quran 91-lər haralardadı... - Heydər Əliyevə müraciətdən kimlər İMTİNA ETMİŞDİ...

YAP-ı quran “91-lər” haralardadı... - Heydər Əliyevə müraciətdən kimlər İMTİNA ETMİŞDİ...

21 Noyabr 2024, 09:42

Bu gün Yeni Azərbaycan Partiyasının (YAP) yaradılmasından 32 il ötür.

Hakim Yeni Azərbaycan Partiyasının (YAP) yaranmasında müstəsna xidmətləri olmuş şəxsləri “91-lər” adlandırırlar.

1992-ci ilin 16 oktyabrında Naxçıvan Ali Məclisinin sədri Heydər Əliyevə müraciət edərək onu Azərbaycanda hakimiyyət uğrunda açıq və fəal mübarizəyə səsləyən 91 nəfər ziyalının müraciəti zaman-zaman müzakirə mövzusu olub. Onlar vaxtilə Yeni Azərbaycan Partiyasının “qızıl fondu” elan olunmuşdular.

"91-lər"in müraciəti 16 oktyabr 1992-ci il tarixində "Səs" qəzetində çap olunmuşdu.

“91-lər” Heydər Əliyevə müraciət ünvanlayarkən bəzi şəxslər ona qoşulmaq istəməyiblər. Bu barədə məhz mərhum Heydər Əliyevin çıxışında dedikləri xüsusi maraq doğururː

“...o vaxt bunu mənə deməmişdilər, amma bunu mən sonralar bildim. “91-lər” həqiqətən çox cəsarətli adamlar olmuşlar. Çünki bu məktubu hazırlayıb, bu məktubla həmrəy olmaq istəyən adamlarla danışıq aparanlar bəziləri ilə danışmışlar, görüşmüşlər, ancaq onlar həmin məktuba imza atmaqdan imtina etmişlər”

Heydər Əliyev hakimiyyətə gələndən sonra “91-lər”in əksəriyyəri vəzifəyə irəli çəkilmişdi. YAP-ın 10 illik yubileyindəki çıxışında Heydər Əliyev “91-lər” barədə belə demişdi:

“Mən “91-lər”in hamısına həmişə böyük hörmət və ehtiram bəsləmişəm”.

Heydər Əliyevin vəfatından sonra YAP-da “91-lər”ə münasibət birmənalı olmadı, dəyişdi. Onların bəziləri vəzifədən, tutduqları postdan uzaqlaşdırıldı.

“91-lər” zaman-zaman onların YAP-dan “vurulub” uzaqlaşdırlmasına görə Prezident Administrasiyasının sabiq rəhbəri, vaxtilə siyasi dairələrdə “boz kardinal” adlandırılan akademik Ramiz Mehdiyevi günahlandırıblar.

Məsələn, "91-lər"dən biri, sabiq deputat Şahlar Əsgərov Modern.az-a açıqlamasında Ramiz Mehdiyev haqqında deyilənlərin həqiqətə uyğun olduğunu söyləyib.

“2005-ci ildə III çağırış parlament seçkilərində Yeni Azərbaycan Partiyasının İdarə Heyətinin üzvü və partiyanın qurucularından olan bir sıra çox siyasətçi parlamentə buraxılmadı. Bu, birdən-birə baş verdi. Asya Manafova, Zahid Qaralov, Əli Əlirzayev, Maksim Musayev, Sirus Təbrizli, mən "qara siyahı"ya daxil edildik...
O zaman hamı düşünürdü ki, bunları Ramiz Mehdiyev edir. Heydər Əliyev 2003-cü ildə artıq rəhmətə getmişdi. Ramiz Mehdiyev parlamentə buraxılmayan tanınmış şəxslərin yerinə tamamilə fərqli - YAP-a zidd adamlar gətirdi”, - Ş.Əsgərov deyib.

Bu gün “91-lər”in artıq yaddan çıxdığını da söyləmək olar.

Modern.az-ın məlumatına görə, “91-lər”dən əksəriyyəti dünyasını dəyişib.

Onların siyahısını təqdim edirik:

Abbas Səmədov

Adil Qasımov

Ağababa Mahmudov

Ağabəy Əsgərov

Allahverdi Hacıyev

Allahyar Hüseynov

Ariz Abduləliyev

Asif Cahangirov

Aydın Əhmədzadə

Eldar Abasov

Eldar İbrahimov

Ədalət Fərəcov

Əjdər İsmayılov