Bakı Metropoliteninin rəhbərliyi ilə ANS telekanalı arasında kəskin münasibətlərdə dönüş yaranması ehtimalı var. Özəl bilgilərə görə, telekanal metropoliten rəisi Tağı Əhmədovla barışıq yönündə addımlar atır. Yeni il ərəfəsində küsülülərin razılığa gəlməsi barədə şayiələrə ANS-dən cavab gəldi.
Modern.az-a açıqlamada telekanalının baş redaktoru Qənirə Ataşova “Küsməmişik ki, barışaq” dedi.
“ANS heç kəsə qarşı qərəz göstərməyib. Sadəcə mətbuatda, cəmiyyətdə olanları göstəmişik. Bakı Metropoliteni dövlətin strukturlarıdır, vəzifəsi də mediaya məlumat verməkdir. ANS olaraq başqa tələbimiz yoxdur.”
