Ədliyyə Nazirliyinin Azad Demokratlar Partiyasının (AzDP) ləğv edilməsi üzrə müraciəti əsasında məhkəmə prosesi keçirilib.
Modern.az xəbər verir ki, bu gün Bakı Apellyasiya Məhkəməsində hakim Nigar Nəbizadənin sədrliyi ilə keçirilən prosesdə müraciət təmin olunub. Partiyanın fəaliyyətinin dayandırılması barədə qərar qəbul olunub.
***
12:28
Xəbər verdiyimiz kimi, Ədliyyə Nazirliyi Azad Demokratlar Partiyasının ləğv edilməsi barədə Bakı Apellyasiya Məhkəməsinə müraciət edib.
Modern.az-ın əldə etdiyi məlumata görə, bu gün işlə bağlı şifahi məhkəmə baxışı keçiriləcək.
Məhkəmə baxışı saat 14:30-a təyin edilib.
Qeyd edək ki, iş Bakı Apellyasiya Məhkəməsində hakim Nigar Nəbizadənin sədrlik etdiyi heyətin icraatındadır.
Qeyd edək ki, Azad Demokratlar Partiyası 6 iyul 2014-cü ildən fəaliyyət göstərirdi. Partiyanın qurucusu və sədri Sülhəddin Əkbərdir.
