Sumqayıtda qapısı açıq vəziyyətdə hərəkət edən təcili tibbi yardım maşınının görüntüləri yayılıb.
Modern.az xəbər verir ki, TƏBİB məsələyə münasibət bildirib.
Qurumdan verilən açıqlamada deyilir ki, bu gün səhər saatlarında Sumqayıtda görüntüsü yayılan təcili tibbi yardım avtomobili qapısında nasazlıq yarandığı üçün qaraja təmirə göndərilib.
Qeyd olunub ki, mətbuatda yayılan məlum video bu gün Sumqayıt Təcili və Təxirəsalınmaz Tibbi Yardım Stansiyasına aid və xidmətdən kənarda olan sanitar avtomobil təmirə göndərilərkən çəkilib.
Məlumata görə, avtomobilin qapısında nasazlıq yarandığı üçün Sumqayıt bölməsinin qarajına təmirə göndərilib və artıq təmir edilən təcili tibbi yardım avtomobili təkrar xidmətə buraxılıb.
