19 oktyabr 2011-ci ildə YUNESKO Baş konfransı tərəfindən fevralın 13-ü Ümumdünya Radio Günü elan edilib. Qeyd edək ki, 13 fevral 1946-cı ildə Birləşmiş Millətlər Təşkilatının (BMT) Radiosu təsis edilib.
Bəs bu gün Azərbaycanda neçə radio fəaliyyət göstərir?
Modern.az mövzu ilə bağlı Audiovizual Şura ilə əlaqə saxlayıb.
Qurumdan bildirilib ki, Azərbaycanda ümumilikdə 21 radio kanalı fəaliyyət göstərir.
Onlardan 17-i ümumölkə üzrə yayım edirlər:
1) “Azərbaycan radiosu”
2) “İctimai radio”
3) “Radio TMB”
4) “Azad Azərbaycan Radiosu”
5) “Radio Enerji”
6) “Space FM”
7) “Xəzər FM”
8) “Media FM”
9) “Araz FM”
10) “ASAN Radio”
11) “Avto FM”
12) “Real FM”
13) “Yurd FM”
14) “Baku Retro FM”
15) “Bakı Hit FM”
16) “Sağlam Radio”
17) “Azərbaycan Beynəlxalq Radiosu”
4-ü isə regional statuslu radio kanallarıdır:
1) “Kəpəz FM”
2) “106FM”
3) “CBC FM”
4) “Naxçıvan Radiosu”
Bundan əlavə, bildiyiniz kimi, bu yaxınlarda Audiovizual Şura tərəfindən 2 müsabiqə təşkil olundu və 31 yanvar 2025-ci il tarixli iclasında qaliblər elan olundu. Daha 2 ümumölkə statuslu radio kanal (“Planet FM” və “Dalğa FM”) yaxın zamanlarda fəaliyyətə başlayacaqdır.
İctimai yayımçı istisna olmaqla, ümumölkə və regional yerüstü radio yayımçılarına lisenziya müsabiqə əsasında verilir.
Radio yayımçısı lisenziyasının verilməsi üçün Azərbaycan Respublikası Audiovizual Şurası "Media haqqında" Azərbaycan Respublikasının Qanunun 35-ci maddəsində nəzərdə tutulmuş məlumatlar (boş, istifadəyə yararlı radiotezliyin mövcudluğu haqqında məlumatlar) əsasında müsabiqə elan edir.
