Ötən gün ölkə ərazisində xəsarətlə nəticələnən 7 yol-nəqliyyat hadisəsi qeydə alınıb.
Bu barədə Modern.az-a Baş DYP İdarəsinin şöbə rəisi Rövşən Tağıyev bildirib.
Nəticədə 9 nəfər müxtəlif dərəcəli bədən xəsarətləri alıb, ölüm və ağır xəsarət halları baş verməyib.
"Bununla əlaqədar, yol polisi sürücülərə və piyadalara müraciət edərək diqqətli olmağa, yol hərəkəti qaydalarına ciddi riayət etməyə çağırır. Yol və hava şəraitinə uyğun hərəkət sürətini seçin. Qış təkərlərindən istifadə edin və nəqliyyat vasitənizi texniki cəhətdən saz vəziyyətdə saxlayın. Yol hərəkəti qaydalarına riayət edin və təhlükəli manevrlərdən çəkinin".
Qeyd olunub ki, piyadalar yalnız müəyyən edilmiş piyada keçidlərindən istifadə etməlidir: "Görünməni artırmaq üçün qaranlıq saatlarda açıq rəngli və ya işıq əks etdirən geyimlər geyinin.
Yollarda ehtiyatlı olun və nəqliyyat vasitələrinin hərəkətinə diqqət yetirin. Umutmayaq ki, yol hərəkətinin təhlükəsizliyi hamımızın məsuliyyətidir!"
