Azərbaycanda şəkərli diabet xəstələrinin sayında azalma qeydə alınıb. 2023-cü ilin sonunda tibb müəssisələrində qeydiyyatda olan şəkərli diabet xəstələrinin sayı 385.2 min nəfər olduğu halda, 2024-cü ildə bu rəqəm 322.3 min nəfərə düşüb.
2023-cü ilin rəqəmləri Dövlət Statistika Komitəsindən, 2024-cü ilin rəqəmləri isə Nazirlər Kabinetinin parlamentə bu gün təqdim etdiyi hesabatda yer alıb.
Məlum olur ki, şəkər xəstələrinin sayında son bir ildə təxminən 62 min nəfər (16.3 faiz) azalma var. Azalmanın səbəbi məlum deyil.
Modern.az-ın məlumatına görə, şəkərli diabet xəstələrinin sayı azalsa da, şəkərli diabet xəstəliyi üzrə tədbirlər ilə bağlı xərclər artıb.
2024-cü ildə şəkərli diabet xəstəliyi üzrə tədbirlər ilə bağlı 58 milyon 263 min manat vəsait xərclənib. Bu 2023-cü ildə çəkilən xərclərdən txəminən 10%, yaxud 5.3 milyon manat daha çox olub.
