“Bildiyiniz kimi Prezident İlham Əliyev tərəfindən imzalanan Azərbaycan Respublikasının Uşaqlara Dair 2020–2030-cu illər Strategiyasının icrası üzrə 5 illik fəaliyyət planı bu il bitir”.
Bu barədə Modern.az-a müsahibəsində "Ümidli Gələcək" Sosial Təşəbbüslər İctimai Birliyinin sədri Kəmalə Aşumova deyib.
Onun sözlərinə görə, Strategiyanın icrası üzrə 2026-2030-cu illəri əhatə edən növbəti 5 illik fəaliyyət planı üzərində iş gedir.
“Məlumatları operativ yerləşdirmək üçün alt sistemə yükləmək, məlumatı qurumlara göndərmək vaxt tələb edir. Orada məlumat sistemə yüklənir, sosial işçilər gedib qiymətləndirmə aparmalı, prosedurları həyata keçirməlidirlər. Mən o işçi qrupundayam. Təklif olunub ki, operativ müdaxilə üçün prosedurlar yüngülləşdirilsin”.
