Aprelin 16-ı və 17-i ölkə ərazisindəki güclü yağış vətəndaşlara çətin vəziyyət yaradıb. Böyük şəhərlərlə yanaşı rayonlarda da vətəndaşlar leysanın fəsadları ilə üzləşib.
Modern.az hansı şəhərlərdə xilasetmə əməliyyatları keçirildiyini öyrənmək üçün Fövqəladə Hallar Nazirliyi ilə əlaqə saxlayıb.
Qurumdan bildirilib ki, Bakı, Gəncə, Sumqayıt, Mingəçevir, Şirvan şəhərləri və Xaçmaz, Şabran, Qusar, Xızı, Siyəzən, Samux, Abşeron, Qobustan, Şamaxı,Yevlax, Hacıqabul rayonları üzrə müxtəlif istiqamətlərdə su basmış ərazilərdən suyun çəkilərək kənarlaşdırılması, köməyə ehtiyacı olan vətəndaşların təxliyəsi həyata keçirilib.
Qeyd edilib ki, bununla yanaşı digər zəruri təhlükəsizlik tədbirlərinin görülməsi fasiləsiz olaraq davam etdirilib.
