Papa Fransisk aprelin 21-də 88 yaşında vəfat edib. Aprelin 23-də Papa ilə Müqəddəs Pyotr bazilikində vida mərasimi başlayıb. Dəfn mərasimi isə aprelin 26-da Santa Maria Maggiore bazilikasında baş tutacaq.
Məlumata görə, Azərbaycanı dəfn mərasimində Milli Məclisin sədri Sahibə Qafarova təmsil edəcək. Spikerin başçılığı ilə parlament nümayəndə heyəti dəfn mərasimində iştirak etmək üçün aprelin 25-də İtaliyanın Roma şəhərinə səfər edəcək.
Modern.az-ın əldə etdiyi məlumata görə, dəfn mərasimində Azərbaycandan daha bir nəfər iştirak edəcək.
Belə ki, Azərbaycanda Katolik Kilsəsinin apostol prefekti, yepiskop Vladimir Fekete də mərasimə qatılacaq.
Apostol Prefekturasının mətbuat katibi Toral Ağayev məlumatı saytımıza açıqlamasında təsdiqləyib.
