Hacıqabulda maraqlı hadisə baş verib. 2002-ci il təvəllüdlü qadın rəsmi qeydiyyatda kişi kimi qeyd olunduğu üçün məhkəməyə müraciət edib.

Modern.az-ın məlumatına görə, adı açıqlanmayan qadın 2002-ci ildə Hacıqabul rayonu, Udulu kəndindən anadan olub. O, doğum şəhadətnaməsinə əsasən əvvəllər şəxsiyyət vəsiqəsi alıb, ərə getdikdən sonra Hacıqabul şəhərində yerləşən mənzilə gəlin köçüb və ona məxsus bütün sənədlərini, o cümlədən doğum şəhadətnaməsini həmin mənzilə aparıb. Daha sonra ailə nikah münasibətləri bir-birinə uyğun gəlməyib, əri ilə münasibətləri pozulub. Ona məxsus doğum şəhadətnamənin əsli həmin mənzildə qalsa da, bu günə kimi həmin sənədi ona geri qaytarmaqdan imtina edərək, onlarda qalmadığını qeyd ediblər.

Hacıqabul rayon Qeydiyyat şöbəsinin 2002-ci ilə aid arxiv sənədlərində 2002-ci ilə aid doğum akt qeydləri kitabında müvafiq doğum akt qeydi aşkar edilib. Lakin akt qeydində doğum tarixi 2002-ci il, doğulduğu yer Hacıqabul rayonu 1-ci Udulu kəndi, soyadı -yev, cinsi kişi göstərilib.

Şirvan İnzibati Məhkəməsinin qərarı ilə iddia tələbi təmin edilib. 2002-ci il təvəllüdlü şəxs 2002-ci il tarixli, doğum haqqında akt qeydində soyadının -yevdən -yevaya, cinsinin kişi cinsindən qadın cinsinə düzəliş edilməsi öhdəliyi cavabdeh Hacıqabul rayon Qeydiyyat şöbəsinin üzərinə qoyulub.