Azərbaycanın quru sərhədləri hələ də bağlı olsa da, ölkəyə giriş yollarından biri olan su nəqliyyatı vasitəsilə turist axını davam edir.
Modern.az-ın Dövlət Statistika Komitəsindən əldə etdiyi məlumata görə, 2025-ci ilin yanvar-mart ayları ərzində Azərbaycana turizm məqsədilə gələn əcnəbilərin və vətəndaşlığı olmayan şəxslərin ümumi sayı 331 783 nəfər təşkil edib. Onlardan 4 965 nəfəri ölkəyə məhz su yolu ilə daxil olub.
Su yolu ilə gələn turistlərin əsas hissəsini Gürcüstan, İran, Rusiya, Özbəkistan, Qazaxıstan, Türkmənistan və Türkiyə vətəndaşları təşkil edir.
Qeyd edək ki, su yolu ilə turistlər Xəzər dənizindəki bərə və gəmi marşrutları ilə ölkəyə gəlirlər.
Ekspertlər hesab edirlər ki, su nəqliyyatı həm region ölkələri ilə əlaqələrin qorunmasında, həm də turizmin tamamilə dayanmasının qarşısını almaqda mühüm rol oynayır. Bakı limanı vasitəsilə ölkəyə daxil olan turistlər adətən mərkəzi şəhərləri ziyarət edir, bəzi hallarda isə bölgələrə də səyahət edirlər.
Elnur Əmirov
