Prezident İlham Əliyevin sərəncamı ilə Azərbaycan İlahiyyat İnstitutunun rektoru Aqil Şirinov yenidən bu vəzifəyə təyin edilib.
O, “Təhsil haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2009-cu il 5 sentyabr tarixli 156 nömrəli Fərmanının 2.13-cü bəndinə uyğun olaraq bu vəzifəyə gətirilib.
Qeyd edək ki, Aqil Şirinov 12 may 2020-ci ildən Azərbaycan İlahiyyat İnstitutunun rektoru idi. O, daha əvvəl Qafqaz Müsəlmanları İdarəsində çalışıb.
Modern.az-ın məlumatına görə, Aqil Şirinov yenidən eyni vəzifəyə təyin olunması qanunvericiliyin tələbidir.
Belə ki, dövlət başçısı tərəfindən 10 dekabr 2018-ci ildə imzalanan fərmana əsasən, Azərbaycanda rektorlar 5 il müddətinə təyin edilir. Ölkəmizdə qanunvericiliyin geriyə qüvvəsi olmadığı üçün sözügedən qayda 2018-ci ilin dekabr ayından əvvəlki rektorlara aid edilmir.
Elnur Əmirov
