Bu gün Albaniyanın paytaxtı Tirana şəhərində “Avropa Siyasi Birliyi”nin 6-cı Zirvə toplantısı keçirilir.
Modern.az xəbər verir ki, Tirana sammitində 50-yə yaxın ölkənin lideri iştirak edir.
Zirvə toplantısına Azərbaycan prezidenti İlham Əliyev, Türkiyə lideri Rəcəb Tayyib Ərdoğan, Ermənistanın baş naziri Nikol Paşinyan, Fransa prezidenti Emmanuel Makron və başqaları qatılıb.
Zirvə toplantısının açılışında zala toplaşan dövlət başçılarına maraqlı görüntülər nümayiş etdirilib.
Belə ki, süni intellekt vasitəsilə liderlərin uşaqlıqları canlandırılıb. Onlar tədbir iştirakçılarını öz dillərində salamlayaraq, “Albaniyaya xoş gəlmisiniz” deyiblər.
Videorolik zalda əyləşən Avropa liderlərində təbəssüm yaradıb.
