Azərbaycan Şahmat Federasiyasının hesabat-seçki konfransı keçirilib.
Modern.az xəbər verir ki, hesabat dinlənildikdən sonra İcraiyyə Komitəsinə yeni üzvlər seçilib.
Mahir Məmmədov, Faiq Həsənov, Sərxan Həşimov, Aynur Sofiyeva, Elnur Əliyev, Bəxtiyar Məmmədov və Yaqub Hüseynov İcraiyyə Komitəsində yer alacaqlar.
Həmçinin, Mahir Məmmədov səsvermə nəticəsində daha dörd il müddətinə federasiyaya rəhbərlik edəcək.
Faiq Həsənov I vitse-prezident, iş adamı Yaqub Hüseynov və Naxçıvan Muxtar Respublikası Ali Məclisinin sədr müavini Bəxtiyar Məmmədov vitse-prezident seçiliblər. Qeyd edək ki, sonuncu vəzifəni Naxçıvan Ali Məclisinin sabiq sədri Vasif Talıbovun oğlu Seymur Talıbov tuturdu.
***
11:30
Azərbaycan Şahmat Federasiyasının (AŞF) İcraiyyə Komitəsinə seçkilər keçirilir.
Modern.az-ın məlumatına görə, Federasiyanın vitse-prezidenti Seymur Talıbovun İcraiyyə Komitəsinə namizədliyi irəli sürülməyib.
Qeyd edək ki, Naxçıvan Ali Məclisinin sabiq sədri Vasif Talıbovun oğlu Seymur Talıbov Azərbaycan Şahmat Federasiyasının vitse-prezidentidir.
Xatırladaq ki, Talıbovun rəhbərlik etdiyi Naxçıvan Şahmat Federasiyası ötən ləğv edilib.
