Azərbaycanda əsəb və hissiyyat xəstəliklərindən əziyyət çəkənlərin sayı məlum olub.
Modern.az ölkə üzrə əsəb və hissiyyat xəstəliklərindən əziyyət çəkənlərin hansı bölgələrdə yaşadığını araşdırıb.
Ölkə üzrə ümumilikdə 296 min 225 nəfər əsəb sistemi və hissiyyat xəstəliklərindən əziyyət çəkir. Onların 124 min 391-i Bakı şəhərində yaşayır.
Paytaxt üzrə isə bu xəstəliklər ən çox Suraxanı rayonunda qeydə alınıb. Burada 16 min 869 nəfər əsəb xəstəsi var, şəhər üzrə ən az göstərici isə Pirallahı rayonundadır, rayonda ümumilikdə 127 nəfər əsəb xəstəliyi və hissiyyat orqanlarında xəstəliklərdən əziyyət çəkir.
Paytaxt üzrə digər rayonlarda:
Binəqədi rayonu 7 189
Xətai rayonu 14 116
Xəzər rayonu 14 684
Qaradağ rayonu 5 541
Nərimanov rayonu 10 175
Nəsimi rayonu 8 453
Nizami rayonu 13 045
Pirallahı rayonu 127
Sabunçu rayonu 12 187
Səbail rayonu 14 810
Suraxanı rayonu 16 869
Yasamal rayonu 7 195.
Naxçıvan Muxtar Respublikası
Muxtar Respublikada əsəb xəstəliklərindən əziyyət çəkənlərin ümumi sayı 5 min 72-dir. Onların əksəriyyəti – 1762-si Naxçıvan şəhərində yaşayır, ən az göstərici 97 ilə Babək rayonunun üzərinə düşür. Culfa, Kəngərli, Ordubad, Sədərək, Şahbuz, Şərurda isə əsəb xəstəliyindən əziyyət çəkənlərin ortalama sayı 535-dir.
Əsəb və hissiyyat orqanları xəstəliklərindən ən çox əziyyət çəkənlər Qazax-Tovuz və Şəki-Zaqatala iqtisadi rayonundandır.
Ən yüksək göstəricilər
Qazax-Tovuz iqtisadi rayonunda əsəb xəstələrinin ümumi sayı 36 min 228-dir. Bu ərazidə əsəb xəstəliyindən əziyyət çəkən insanların əksəriyyəti Şəmkir rayonuna düşür. Burada 21 329 belə xəstə var ki, bu da 8 iqtisadi-rayonundan daha yüksək göstəricidir. Bölgədə ən az göstərici 1 783 ilə Ağstafa rayonudur. Bundan başqa Gədəbəy 1 876, Qazax 2 762, Tovuz rayonunda isə 8 478 əsəb və hissiyyat xəstəliklərindən əziyyət çəkir.
Abşeron–Xızı iqtisadi rayonunda isə ümumilikdə 27 239 belə xəstə yaşayır. Onların əksəriyyəti əhali sayına görə ölkədə ikinci şəhər olan Sumqayıtın üzərinə düşür. Burada əsəb və hissiyyat xəstəliklərindən əziyyət çəkənlərin sayı 19 min 998-dir. Abşeronda bu göstərici 4 min 680, Xızıda isə 2 min 561-dir.
Ən az göstəricilər
Şərqi Zəngəzur iqtisadi rayonunda ümumilikdə 1 458 nəfər əsəb və hissiyyat xəstəliklərindən əziyyət çəkən kimi qeydiyyatdadır. Onlardan 584-ü Kəlbəcər, 67-si Zəngilanın payına düşür. Bundan başqa Cəbrayıl 369, Qubadlı 218, Laçın rayonunda isə 220 əsəb xəstəliklərindən əziyyət çəkən şəxs var.
Şərqi Zəngəzurdan sonra ən az əsəb və hissiyyat xəstəliklərindən əziyyət çəkənlər Mil-Muğan ərazisində yaşayır. Burada ümumilikdə 3 min 702 əsəb xəstəsinin 1 599-u Sabirabad rayonunda yaşayır. Bundan başqa Beyləqanda yaşayan əsəb və hissiyyat xəstələrinin sayı 713, İmişlidə 531, Saatlıda isə 859-dur.
Əhalisinin sayında görə ən böyük şəhərlərimizdən biri olan Gəncədə 19 min 53 əsəb xəstəliklərindən əziyyət çəkən şəxs yaşayır. Qarabağda isə ən yüksək göstərici 1954 nəfərlə Ağdamdır.
Digər iqtisadi rayonlarda göstəricilər
Abşeron–Xızı iqtisadi rayonu - 27 239
Şəki - Zaqatala iqtisadi rayonu - 24 759
Gəncə - Daşkəsən iqtisadi rayonu - 23 603
Mərkəzi Aran iqtisadi rayonu - 13 832
Quba - Xaçmaz iqtisadi rayonu - 7 616
Lənkəran-Astara iqtisadi rayonu - 7 220
Dağlıq Şirvan iqtisadi rayonu - 6 859
Qarabağ iqtisadi rayonu - 6 778
Şirvan-Salyan iqtisadi rayonu - 5 272
