Vyanada ATƏT-in Parlament Assambleyasının (ATƏT PA) X qış sessiyasında Siyasi məsələlər və təhlükəsizlik komitəsinin iclasında çıxış edən Milli Məclisin deputatı Azay Quliyev deyib ki, bir çox aparıcı beynəlxalq təşkilatlar tərəfindən Azərbaycanın ərazi bütövlüyünü təsdiqləyən, münaqişənin sülh yolu ilə həllini, qaçqın və məcburi köçkünlərin geri qaytarılmasını tələb edən konkret qətnamələr qəbul olunsa da, ATƏT PA tərəfindən belə bir sənəd qəbul edilməyib. ”ATƏT-in münaqişənin sülh yolu ilə həllində vasitəçiliyə xüsusi mandatı olduğuna görə, onun Parlament Assambleyası ayrıca qətnamə qəbul etməli, münaqişəyə dair ədalətli və obyektiv mövqeyini bildirməlidir”-deyə A.Quliyev vurğulayıb.
Azərbaycan nümayəndə heyətinin üzvü bildirib ki, ATƏT-in münaqişənin həllinə nail ola bilməməsi bu qurumun səmərəli fəaliyyətini şübhə altına alır və təşkilatda ciddi islahatlara ehtiyac var. “Eyni zamanda, həlli uzanan Dağlıq Qarabağ münaqişəsinin nizamlanması prosesi ilə bağlı BMT strukturlarının səlahiyyətinin artırılması zəruridir”- A.Quliyev deyib. Modern.az
