Milli Məclisin 49 saylı Yevlax-Mingəçevir seçki dairəsindən seçilmiş deputatı Əli Hüseynli doğum gününü qeyd edib. Millət vəkilinin 43 yaşı tamam olub.
Modern.az saytının məlumatına görə, Əli Məhəmməd oğlu Hüseynli 1968-ci il oktyabrın 8-də Bakı şəhərində anadan olub. Bakı Dövlət Universitetinin hüquq fakültəsini bitirib. Hüquq elmləri namizədidir.
1991-ci ildən Azərbaycan Respublikasının Ali Məhkəməsində iclas katibi, məsləhətçi, sədrin köməkçisi işləyib. 1995-ci ildən Azərbaycan Respublikası Prezidentinin İcra Aparatında mütəxəssis vəzifəsində çalışıb, 1996–2000-ci illərdə Azərbaycan Respublikası Milli Məclisi Sədrinin köməkçisi olub.
Ə.Hüseynli artıq 3-cü çağırışdır ki, Milli Məclisin deputatıdır. O, 2000-ci ildə 96 saylı Cəlilabad şəhər, 2005-ci ildə 49 saylı Yevlax-Mingəçevir seçki dairəsindən deputat seçilib. 2010-cu ildə təkrar olaraq 49 saylı Yevlax-Mingəçevir seçki dairəsindən Milli Məclisə mandate qazanıb. Milli Məclisin Hüquq siyasəti və dövlət quruculuğu komitəsinin sədridir.
Evlidir, 2 övladı var.
Modern.az
