Milli Məclis Aparatının sabiq rəhbəri, bir neçə gün öncə təqaüdə göndərilən 70 yaşlı Səfa Mirzəyev bundan sonrakı planları ilə bağlı Modern.az-ın sualını cavablandırıb.
Əməkdaşımızla qısa söhbətində Səfa Mirzəyev istirahət etmək, bundan sonrakı zamanını sakit və hüzur içində yaşamaq istədiyini qeyd edib.
Səfa Mirzəyev elmi, pedaqoji fəaliyyətlə məşğul olub-olmayacağı haqda sualı isə cavabsız qoyub.
Xatırladaq ki, mayın 12-də 70 yaşı tamam olan S.Mirzəyev yaş həddi ilə əlaqədar təqaüdə göndərilib. O, 1996-cı ildən 2022-ci il mayın 16-na kimi Milli Məclis Aparatının rəhbəri işləyib.
