Milli Məclisdə məşğulluqla bağlı ictimai dinləmələrin keçirilməsi təklif olunub.
Modern.az xəbər verir ki, bu təkliflə parlamentin bu gün keçirilən iclasında deputat Azay Quliyev çıxış edib.
“Növbəti vaxtlarda məşğulluqla bağlı ictimai dinləmələr keçirilməlidir. Müvafiq orqanlarla müzakirələr aparıb, bu sahədə problemi həll etməliyik. Həmçinin aidiyyəti orqan cavab verməlidir ki, bizim seçicilərin müraciətlərinə niyə müsbət cavab verilmir”,- deyə deputat bildirib.
Spiker Sahibə Qafarova isə cavabında söyləyib ki, belə istəy olarsa, ictimai dinləmə keçirilə bilər.