Yaşı 35-dən aşağı olmayan və azı iki uşağı olan şəxslər arzuolunmaz hamiləliyin qarşısını almaq məqsədilə cərrahi tibbi sterilizasiyadan könüllü istifadə edə bilərlər.
Modern.az xəbər verir ki, bu barədə “Reproduktiv sağlamlıq haqqında” Model Qanun layihəsinin təqdimatında bildirilib.
Yetkinlik yaşına çatmayanlar gələcək valideynlər kimi ciddi qorunmağa, bu sahədə bilik və məlumatla təmin olunmağa çox ehtiyaclıdırlar. Yetkinlik yaşına çatmayanların cinsi tərbiyəsi məsələsinə xüsusilə diqqət yetirilməlidir. Bu baxımdan Reproduktiv sağlamlığın qorunması və reproduktiv hüquqların həyata keçirilməsi sahəsində yetkinlik yaşına çatmayanların informasiya əldə etmək hüququnun təminatını təsbit edən 19-cu maddə əslində bu layihənin mühüm hüquqi norması sayılmalıdır.
