Səhiyyə Nazirliyindən aldığımız məlumata görə, 26 rayonda 402 su nümunələri götürülüb.
Modern.az xəbər verir ki, bu barədə Milli Məclisin bu gün keçirilən iclasında parlamentin Təbii ehtiyatlar, energetika və ekologiya komitəsinin sədri Sadiq Qurbanov bildirib.
“Su problemi ilə bağlı ciddi islahatlar aparılmalıdır. Bununla bağlı komitə adından bir neçə təklifimiz var. Belə ki, əhaliyə içməli su bir qiymətə, suvarma üçün başqa qiymətə verilməlidir. Bu da suyun səmərəliyinin artırılmasına şərait yaradacaq. Qonşu ölkələr olan Gürcüstan və Türkiyə ilə Kürdən istifadəyə dair əməkdaşlıq edilməli və ortaq işlər görülməlidir", - deyə komitə sədri vurğulayıb.
