Milli Məclisin Səhiyyə komitəsinin bu gün keçirilən iclasında deputat Rəşad Mahmudov tibb təhsilindəki problemlərdən danışıb.
Modern.az xəbər verir ki, deputat Azərbaycan tibb təhsilinin SSRİ və Avropa arasında qaldığını bildirib.
Milli Məclisin Səhiyyə komitəsinin sədri Əhliman Əmiraslanov isə bu fikirlə razılaşmayıb.
“Azərbaycanda olan tibb təhsili Avropa və Türkiyə sisteminə uyğunlaşdırılıb. Bəli, rezidentura ilə bağlı problemlər var. Amma ölkədə rezidentura təhsili qismən Türkiyə sistemi ilə eynidir. Azərbaycanda hər xəstəxanada resident hazırlamaq olmaz. Aparıcı klinikalarda rezidentlər hazırlanmalıdır”, - komitə sədri deputata cavabında vurğulayıb.
