Modern.az

Növbəti hədəfimiz qanunsuz birləşmələrin Qarabağdan çıxarılması olacaq

Növbəti hədəfimiz qanunsuz birləşmələrin Qarabağdan çıxarılması olacaq

Parlament

18 Sentyabr 2023, 17:06

Bu gün Ağdam-Xankəndi və Laçın -Xankəndi yolu ilə Beynəlxalq Qırmızı Xaç Komitəsinə məxsus yük avtomobillərinin eyni vaxtda keçidinin təmin olunması tarixi hadisədir.

 

Xüsusilə, Laçından keçən yükün ölkəmizin qanunvericiliyinə uyğun Laçın dövlət sərhəd buraxılış məntəqəsində müvafiq gömrük yoxlamalarından sonra Xankəndiyə buraxılması Azərbaycanın diktə etdiyi yeni reallığın, suveren hüquqlarımızın hamı tərəfindən bir daha etirafı və qəbuludur.

 

ABŞ, Fransa və bir çox bu kimi erməni yandaşlarının, o cümlədən Ermənistanın və onun Qarabağdakı oyuncaq xunta rejiminin uzun müddət davam edən əsassız müqavimətinə, pozuculuq fəaliyyətinə, ən müxtəlif səviyyələrdə edilən təzyiq və təhdidlərə baxmayaraq, Azərbaycan, Prezident İlham Əliyev bir addım da olsa milli maraqlarımızdan geri çəkilmədi və qarşıya qoyulan çox çətin bir vəzifənin öhdəsindən layiqincə gəldi.

 

Bundan sonra dünya erməniliyi, Menendez kimi korrupsioner siyasətçilər, Yura Kim kimi mövqeyni ilk təzyiqdə dəyişən qorxaq məmurlar və Avropa Parlamenti kimi "anti-Azərbaycan xor dərnəyi" "blokada", "soyqırımı", "humanitar fəlakət" kimi iyrənc yalanlarla Azərbaycanın üzərinə gələ bilməyəcəklər.

 

Növbəti hədəfimiz isə qanunsuz hərbi birləşmələrin Qarabağdan çıxarılması, orada yaşayan erməni sakinlərin siyahıya alınması və reinteqrasiya prosesini başlamaq üçün gərəkən digər addımların atılması olacaqdır.

 

Azay Quliyev

Milli Məclisin deputatı

Twitter
Sizə yeni tvit var
Keçid et
Dronlar Putinin mülk və sarayı istiqamətində hücuma keçdi