“Təbii inhisarçılıq olan ikinci belə bir ölkə tapmaq çətindir”.
Modern.az xəbər verir ki, bunu bunu Milli Məclisin payız sessiyası üzrə ilk plenar iclasında deputat Fazil Mustafa bildirib.
“Bu yaxınlarda Sumqayıt yolunun üstündə polietilen torba istehsal edən müəssisəyə getmişdim. Öyrəndim ki, müəssisə 1 ildir işləmir. Səbəbini soruşanda dedilər ki, bizim rəqibimiz yoxdur. Rəqibimiz gömrük orqanlarıdır. Digər tərəfdən, enerji təchizatı ilə bağlı problem yaşayırlar. Əgər gün ərzində 3 dəfə elektrik verilişi dayansa, müəssisə həmin gün istehsal üzrə geri düşür. Qaz üçün sayğacı 5 km uzağa qoyublar. 5 km ərazidə nə isə problem olursa, bunu şirkət ödəyir. Bu onlarla nümunədən biridir. Bildirim ki, təbii inhisarçılıq olan ikinci belə bir ölkə tapmaq çətindir. Rəqabət Məcəlləsini “Məişət zorakılığı ilə bağlı” qanuna bənzətməli deyilik. Hansı ki, hamı problemi bilir, amma heç kim şikayət etmir”, - o qeyd edib.
