"Mətbuatda qadın haqqında xəbər yazanda onun adını qabartmaq, yaşayış yerini açıq-aşkar yazmaq düzgün deyil. Sonra o qadın orada necə yaşayacaq, necə barışığa gedəcək?".
Modern.az xəbər verir ki, bunu Milli Məclisin Ailə, qadın və uşaq məsələləri komitəsinin sədri Hicran Hüseynova deyib.
O bildirib ki, bu sahədə mətbuatla iş aparılmalıdır: "Bir dəfə də görməmişəm ki, o yazıdan sonra jurnalist nəticə çıxarsın. Faktı şişirdir və başqa da heç bir şey olmur. Bu tip xəbərlər qadınların sonrakı taleyinə mənfi təsir göstərir".
