“Ölkədə bəzi dərmanları tapmaq olmur. Belə ki, bir müddət əvvəl “Sincardi” dərmanı axtarılırdı. Həmin dərmanın qiyməti 73 manatdır və bir ay bəs edirdi. Amma indi həmin dərmanı tapmaq olmur”.
Modern.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin iclasında deputat Rüfət Quliyev bildirib.
“Mənə dedilər ki, artıq o dərman gətirilmir. Onun əvəzi satılır. Həmin əvəzedici dərmanın qiyməti isə bir neçə dəfə baha, 230 manata satılır. Biz xalqı düşünərək, bu kimi addımları atanlara qarşı mübarizə aparmalıyıq”,-deyə o bildirib.
