Modern.az

Növbəti plenar iclasın tarixi və gündəliyi açıqlandı

Növbəti plenar iclasın tarixi və gündəliyi açıqlandı

21 May 2024, 15:10

Milli Məclisin mayın 24-də keçiriləcək növbəti plenar iclasının gündəliyi açıqlanıb.

 

Modern.az xəbər verir ki, iclasın gündəliyinə 6 məsələnin müzakirəsi daxil edilib.

 

Həmin məsələlər aşağıdakılardır:

 

1. Gender bərabərliyinin təmin edilməsinə nəzarəti həyata keçirən icra hakimiyyəti orqanının 2023-cü ildə fəaliyyəti haqqında məlumatı.

 

2. “Tütün və tütün məmulatı haqqında” qanunda dəyişiklik edilməsi barədə qanun layihəsi (üçüncü oxunuş)

 

3. “Qida təhlükəsizliyi haqqında” qanunda dəyişiklik edilməsi barədə qanun layihəsi (üçüncü oxunuş)

 

4. Vergi Məcəlləsində, Gömrük Məcəlləsində, “Dövlət rüsumu haqqında” və “Lisenziyalar və icazələr haqqında” qanunlarda dəyişiklik edilməsi barədə qanun layihəsi (üçüncü oxunuş)

 

5. Azərbaycan Respublikasının 2005-ci il 28 iyun tarixli 960-IIQ nömrəli Qanunu ilə təsdiq edilmiş “Azərbaycan Respublikasının ərazisində dövriyyəsi qadağan edilmiş, məhdudlaşdırılmış və nəzarət edilən narkotik vasitələrin, psixotrop maddələrin, habelə Azərbaycan Respublikasının ərazisində idxalına, ixracına, tranzit nəql edilməsinə və istehsalına lisenziya tələb olunan prekursorların siyahıları”nda dəyişiklik edilməsi haqqında qanun layihəsi (üçüncü oxunuş)

 

6. “Əmək pensiyaları haqqında” qanunda dəyişiklik edilməsi barədə qanun layihəsi (birinci oxunuş).

***

13:10

Milli Məclisin yaz sessiyası üzrə növbəti plenar iclası mayın 24-də keçiriləcək.

 

Modern.az xəbər verir ki, bu barədə spiker Sahibə Qafarova parlamentin mayın 21-də keçirilən plenar iclasının sonunda məlumat verib.

 

Onun sözlərinə görə, toplantının gündəliyi barədə məlumat veriləcək.

Facebook
Dəqiq xəbəri bizdən alın!
Keçid et
Çəkiliş qrupumuz Kəlbəcərdə çətin anlar yaşadı